حقيقة العمل والربح من الأنترنت ,أين انت منهم ؟ وترتيب مستويات الربح
اولا: ناس بيتنصب عليهم
لما تلاقي حد بيقولك موقع مميز للربح او شغل جامد على الانترنت هيغير حياتك علق وهبعتلك التفاصيلاعرف ان بنسبة 80 في
المية الكلام اللي هيتقالك مش حقيقي والهدف مصلحة هتتحقق على اساس انك مش فاهم حاجة وهتشتغل وتسجل وخلاص الواحد
يكسب من الريفيرال وانت زي الباشا من كتر المواضيع دي ما بتفشل فيها تحس ان شغل النت ده نصب ومتعب ومافيهوش فايدة!
من ضمن النصب والحجات اللي مالهاش علاقة بشغل النت والتسويق الالكتروني حاجة اسمها التسويق الشبكي والهرمي والربط
بينهم وبين التسويق الالكتروني هو ظلم لهذا المجال
كمان لو متوقع انك هتربح فلوس كويسة حقيقية من اي موقع لمجرد انك سجلت فيه تبقى غلطان وكذلك مواقع البيت كوين ...
والتعدين و و و على فكرة معظم الاستثمار في المواقع دي نصب ووهم وحاجة اسمها استراتيجية بونزي ابحث عنها لو مش عارفها
عشان كدة اي حد جديد في المجال ده بيكرهه حرفيا من كتر النصب اللي بيتعمل عليه باسم التسويق والربح من الانترنت وبيتعب في
مكان غلط وباسلوب غلط ويفشل
المستوى الثاني: رابحي السنتات
دول بقى الناس اللي ربنا سهلهم الحال ووقعوا مع مواقع للخدمات المصغرة جدا وبيكون المطلوب منهم تحميل تطبيقات او قرائة
ايميلات او زيارة مواقع او فتح اعلانات دول ياعيني بيقعدوا وقت كبير جدا في جمع دولار او اتنين في اليوم واغلب المواقع دي
بتزلهم عشان تدفعلهم طبعا ده احسن من المستوى الاول ع الاقل بيلاقوا حاجة ومنهم ناس بتجتهد اوي وتفتح كذا حساب وسرفر
وكذا موقع واستراتيجية مجهدة عشان يعرفوا يعملوا مبلغ
المستوى الثالث: الهواه اصحاب المواقع المجانية او المدفوعة ضعيفة المستوى
دي ناس الحمد لله ربنا كرمها بشوية معلومات في انهم ازاي يعملوا موقع او منتدى ومعلومات من كل حتة عن التدوين والمحتوى
والسيو دول بيطلع عينهم بردو ومش بينجح منهم في انه يحقق دخل معقول الا ناس قليلة جدا وبعد مجهود مضني لانه مش شغال
باسس علمية صحيحة هو عاوز موقع ويحط ادسنس او افلييت عليه وخلاص واقصى حاجة قدر يعملها في تسويقه هو تطبيق غلط
للسيو والنشر على الفيسبوك
كذلك بيقع في المستوى ده كل الناس اللي ع الطريق الصح بس بيطبقوا غلط، زي الناس اللي بتقرأ دروس وكورسات في السي بي
ايه او الافلييت ويعمل لاند بيج مش احترافية ابدا وتقيلة او باستخدام خدمات مجانية مستواها ضعيف جدا
او تلاقيه يعمل اعلان ممول بصيغة ركيكة او مش بيحب يستثمر كتير في التجربة والخطا وتحليل المنافسين وتحليل الحملات
المستوى الرابع: دول بقى الناس اللي عندهم معلومات كويسة على النت لحد كبير
يعني واحد مصمم او مترجم حط التخصص بتاعه وقدمه بشكل احترافي في المواقع دي وبدأ يبقى فيه اقبال عليه دول يعتبروا
احسن حظا بكتير من المستويين الاول
ولو عرفت تقدم نفسك بشكل مميز مع بعض التريكات البسيطة هتلاقي ان شاء الله دخل كويس على قد المجهود اللي بتبذله واحترافيتك في تخصصك
:المستوى الخامس
هو مستوى الناس اللي ما بقتش بس تعتمد على انها تقدم خدماتها على مواقع الخدمات في المستوى الرابع لا دول ناس ما شاء الله
بدأوا يسوقوا نفسهم كويس على السوشيال ميديا وبدأ يبقى عندهم خطط وخدمات بيقدموها على صفحاتهم ومواقعهم الشخصية
وبدأوا يبيعوا ويشتروا الخدمات المختلفة ويكونوا قائمة من العملاء المهتمة بخدماتهم ووسعوا مجال خدماتهم ما استنوش ان المواقع
تمن عليهم بمشتري ولا اتنين فقط بقوا بيروحوا بنفسهم لراغبي خدماتهم ويقدموهالهم بشكل احترافي
برضوا بيقع في المستوى ده اصحاب المنتجات البسيطة والمحلات اللي بدأوا يوسعوا شغلهم على السوشيال ميديا وتسويق منتجاتهم وخدماتهم ويسوقوها بشكل صحيح
:المستوى السادس
دول بقى الناس اللي فهمت الاستثمار صح بدأوا يستثمروا في الفوركس والتعدين الصحيح او يستثمروا في خدمات ناجحة فعلا بعد
تحليل حقيقي ومدروس .. بيخسروا في الاول ويتعلموا كتير ويجربوا لغاية ما يتمكنوا من الموضوع بيلاقوه سهل ومربح جدا لانك
في خمس دقايق ممكن تربح 100 دولار مثلا من الفوركس وتربح اضعاف لو ليك سهم في مواقع وخدمات حقيقية مش نصب طبعا
يعني شاريع اسهم في شركات ومواقع كبيرة وبتقدم خدمة حقيقية وطبعا الكلام مش على مواقع زي ريسيكل ولا مواقع التعدين النصابة عشان دي من فئة استراتيجية بونزي 😃والنصابين
المستوى السابع: المسوق المحترف
المسوق المحترف وده اللي طلع عينه في دراسة وتطبيق التسويق بمعنى حرفي .. ده راجل جرب كتير وذاكر كتيروبدأ يشتغل صح
على مجال الافلييت والسي بي ايه والدروب شيبينج وماعندوش مشكلة ابدا في الاستثمار والخسارة مقابل انه يفهم ويجرب ويحلل
ويفلتردول كانوا في المستوى التالت ولكن بدأوا يدرسوا صح ويطبقوا صح ويستثمروا صحدي ناس عانت بمعنى الكلمة وعندها معلومات تغرقك عشان كدة التسويق وتحقيق دخل حقيقي مش سهل ومحتاج منك مجهود وصبر حقيقي
مافيش مصباح سري هتضغط عليه هينزلك فلوس عشان الناس اللي بتزعل من انها مش عارفة تجيب فلوس ومضايقة اوي
وحاسة ان الموضوع فيه اسرار الناس بتخبيها الموضوع مش موضوع اسرار الموضوع موضوع فهم وتطبيق صحيح
المسوق المحترف بيكون ملم بقواعد التسويق وعنده خبرة وافكار خارج الصندوق لتسويق اي خدمة او منتجوعنده الادوات والمالالكافي للاستثمار في التسويق ودول بيحققوا احيانا ارباح توصل لعشرة اضعاف المبلغ المستثمر واكترومنهم اصحاب المواقع
والمحتوى الاحترافي بيقدر ينافس في محركات البحث لو خبير سيو ويحقق زيارات مستهدفة جدا بيحقق منه مبلغ محترم جدا
او بيقدر يوصل للعملاء باستخدام ادوات التسويق الاحترافية ويعرض عليهم خدمات ومنتجات صح
بالمناسبة ادوات التسويق سهلت كتير على الناسلان المحترف كان بيوصل لكل المعلومات دي بصعوبة جدا زمان وبتحليل
ودراسة واستراتيجيات واستثماردلوقتي بقى فيه ادوات كتيرة سهلت المواضيع مش محتاجة منك غير انك تفهم ازاي تستخدمها صح
تسويق الافلييت سهل جدا لو وصلت للعملاء المستهدفين صح.
الدروب شيبينج معتمد اساسا على اختيار المنتجات صح وشوية فلوس في الاول بسيطةر.
تسويق ال سي بي ايه صعب ومحتاج فهم اكبر وتفكير احترافي اكتر بكتير من النوعين الاول.
اما المنافسة في محركات البحث فهي اصعبهم ومحترفيها قادرين على تحقيق مبالغ خيالية ان شاء الله
المستوى الثامن:اصحاب المنتجات والخدمات التقال
دول اللي فهموا الخدمات صح وسوقوها صح زي اصحاب الاستضافات وخدمات البرمجة وبرامج وادوات التسويق والتتبع والتجسس وحجز النطاقات الخ
ده مستوى عالي جدا من الاستثمار بناء على خبرة بالسوق وحاجاته واستثمار حقيقي في تقديم خدمات محترمة للناس بمقابل مع
تسويق محترم بالتالي دخل محترم جداوبيندرج تحت المستوى ده كل المواقع والخدمات الكبيرة زي امازون اللي اصحابه دلوقتي
اغنى الناس مالا على الارض
واخيرا ..
كل مستوى من دول الناس مختلفة فيهم في ارباحها بيفرق بينهم القدرة على الفهم والتفكير خارج الصندوق مش مصباح سري
انت بتاخد الملاحظات والادوات لكن دماغك اللي بتشغلها مش دماغي عشان كدة ما تلومش حد وتقول قدملي معلومة ناقصة
انت اللي محتاج تشتغل على نفسك شوية وتعرف تغرق بين المجالات وتشوف بشكل موضوعي هاديء ايه سبب فشلك في التطبيق واسباب فشل الفكرة وهل اللي اتقدملك كان نصب وكلام فاضي ولا فكرة كانت ناقصة شوية بحث منك واجتهاد
إرسال تعليق